渝人碼頭 (已結業)

落雨天就想打邊爐，所以就揾左呢間渝人碼頭黎試下，舖頭離地鐵站都近，行一陣就到左，都幾容易揾。入到去我地揀左湯底先，老闆同staff都好nice，見我地咁糾結緊食唔食麻辣鍋果時就主動同我地解釋同推介，佢地話魚湯都唔錯，太多選擇了🤩🤩真係簡左好耐先簡到！作為女人，梗係養生最重要，所以就叫左酸蘿蔔老鴨鍋同松茸鍋，貪佢有湯飲麻我地都叫左唔少野食，上菜速度好快，而且侍應仲會提我地要煮幾耐，好貼心先講湯底，兩個鍋都好足料同入味，一黎到已經聞到香味，老鴨鍋就比較濃味同有好多鴨肉。蘿蔔片、冬瓜片同百頁豆腐都吸收左啲湯汁嘅精華，而且蘿蔔片又冇渣，好好食。碼頭三寶及墨魚丸都爽口彈牙，鴨血又冇怪味而且口感不錯。我地都叫左黑毛豬，肥瘦同厚薄都岩岩好，亦唔會太韌，而且份量好足，係好味過平時打邊爐嘅豬肉好多，正總結黎講呢到嘅湯底濃郁，食物質素、環境、職員都唔錯，同朋友可以一邊食一邊傾計嘅好地方。