銀龍粉麵茶餐廳 (已搬遷) 新店位置

今日中午我叫左碗魚旦河加腩汁 首先講一講 落單送同送餐過黎都係同一位(A)女侍應，落單反應都可以，但係送到餐黎我望到（A)拎碗我叫既魚旦河既時候隻手指完全插入碗魚旦河d湯到，令我食慾完全下降曬，銀龍幾時變到同街邊小販一樣咁無衛生？另外碗魚旦河竟然無左附送既炸魚皮，當我同啊（A)講，(A)居然同我講：只有下午茶時段先有附送炸魚皮！個刻我就知（A)一定新黎，心諗銀龍魚旦河不嬲裡面一定附送炸魚皮，點解會無既呢？跟住咁岩有第二位(B)女侍應走埋黎我張枱到拎走樽辣椒油，我又再次同(B)講碗河無左附送炸魚皮，(B)就話我幫你同廚房講聲，而（A）為了唔好咁尷尬就問（B)乜魚旦河有附送炸魚皮既咩？就咁就走左去，呢下扮傻我堅要比個佢！