八百善 (已結業)

話說今晚經過V City一心抱住好心情去食石鍋飯，有位四眼肥肥地嘅女侍應望一望我地，我話2位，唔該，我地坐低睇左陣餐牌，佢望一望我地，但眼神係話比我知(落單未呀，諗諗諗）都算，到我地正式落單喇，一個唔記得幾號嘅石鍋飯，一個乜乜手打烏冬，一份幾味雞翼，唔耐煩語氣mood.......仲有冇呀，之後即刻收餐牌，都算，到有另一枱客入嚟，另一個女侍應年紀大小小嘅，佢幫果枱客落單，落完單，最尾我聽到佢同果枱客人講，呢度有啲特飲做緊半價，我聽到之後，果一刻真係有啲愕然，點解頭先個侍應冇同我地講，有啲嬲嬲地，總之一句講晒，帶左口罩我都覺得你黑面(四眼肥肥地女侍應）嘅服務態度好差😡😡就算食物質素尚可以接受，但你嘅態度已經令到我下次唔會再幫襯！