Lady M (已結業)

女生最愛嘅千層蛋糕，黎Lady M，首選我會揀 千層蛋糕，本來想揀焦糖海鹽千層蛋糕，但嗰晚冇呢一款，唯有揀新口味嘅抹茶千層蛋糕。 用隻叉"戒"到落底，你會感覺一層一層，放入口抹茶味好香，啲cream好軟滑，由三角形個邊食到去尾，記住留番小小試下一層一層咁食，你會覺得好得意。 最緊要係食完成件， 都好想食第二件。俾佢嗰個朱古力同埋一格一格嘅棋子吸引咗，但係入口就知道返唔到轉頭，係要食返最出名嘅千層蛋糕。因為呢個海綿蛋糕唔係算軟身，朱古力都唔係特別香，冇乜驚喜，如果食曬成件仲會覺得有啲膩。服務一般