川婆婆 (已結業)

同友人係旺角食lunch，聽過有人介紹尖沙咀川婆婆所以去試下。入去比左落單紙我地，但未見有筆。我地有禮貌問佢，佢行過黎示意係枱面，然後好大聲碰支筆去枱面。然後因為落單紙唔清，我地再問佢，佢大大聲解釋然後話「張leaflet其實都好簡單姐」，大聲到成間舖都望住，但其實佢都解釋唔清楚。到食完時，有對外籍既男女入左舖頭，因為女店員用英文解釋得唔清楚個menu比佢地知，所以友人幫手問外籍男女食咩再幫佢地同女店員order，但同女店員講左兩次都冇反應。我地已經好有禮貌，唔該前唔該後，佢既態度完全唔當我地係客人。即使啲食物好味，過程唔愉快，個店員咁趕客都唔會再幫襯。