影片
更多
2022-04-08
461 瀏覽
話說今日同老公一齊去食，一入到去嘟完個安心出行，諗住個女待應會帶我地入座，咁就跟住佢啦，然後佢原來係去左收枱，跟住我地又唔知坐係邊，佢都仲係到收緊枱，其他待應都冇表示，咁我地就是但搵個位坐。然後到落單，都係同一個女待應，老公講左幾次飲咩湯同咩汁，佢都仲要問，重複左3次終於成功落單。前菜同個扒嚟到嘅時候都冇咩問題，到個飯黎到嘅時候，張枱都冇咩位，但佢又冇收走啲食完嘅碟，然後成碌木咁樣企係我老公後面，示意我老公將啲碟整埋一邊，然後再自己係個女待應手中拎個飯擺係張枱到，食完個啲碟同樣冇收走🤷🏻♀️大佬，你係待應黎架喎，收碟擺碟唔係你嘅工作黎架咩，點解會係要我老公做呢？啲野上齊哂，咁有啲口渴就叫左個一罐可樂啦最後食得七七八八，佢無啦啦收緊第二張枱啲碟嘅時候，無啦啦拎住啲碟行過黎講：「飲咩」跟住我問：「咩飲咩」跟住佢就望住我講多次：「飲咩」明明我哋叫完個可樂之後都冇話過要加嘢飲。咁我自然覺得好奇怪啦，然後佢一路都冇講嘢，我就講話：「我哋冇嗌嘢飲喎」然後佢就話：「餐飲 飲咩」咁嗰時我都一頭霧水 佢一開頭又冇問我飲啲咩，咁我就預咗係冇嘢飲嘅 因為佢嗰啲嘢飲全部都係要加錢嘅 同埋我哋已經嗌咗個可樂 跟
最後食得七七八八，佢無啦啦收緊第二張枱啲碟嘅時候，無啦啦拎住啲碟行過黎講：「飲咩」跟住我問：「咩飲咩」
跟住佢就望住我講多次：「飲咩」
明明我哋叫完個可樂之後都冇話過要加嘢飲。
咁我自然覺得好奇怪啦，然後佢一路都冇講嘢，我就講話：「我哋冇嗌嘢飲喎」
然後佢就話：「餐飲 飲咩」
咁嗰時我都一頭霧水 佢一開頭又冇問我飲啲咩
，咁我就預咗係冇嘢飲嘅 因為佢嗰啲嘢飲全部都係要加錢嘅 同埋我哋已經嗌咗個可樂 跟住我好愕然就話：「我可唔可以唔飲㗎🫠」然後佢就一粒聲都冇出走咗
然之後我哋就埋單走左啦
而喺由入去到走成個過程
就算幫佢擺個餐嘅時候佢都冇講過一個唔該
講嘢嘅語調又冇禮貌，搞到長期處於一個好尷尬嘅狀態🫠
嘢食方面整體冇乜問題，係個湯有啲淡
張貼