幸福堂 (已結業)

越黎越多台灣珍珠奶茶店開黎香港，試都試唔哂，今日終於試到幸福堂！知道佢出名有現場即煮珍珠🤩果然一去到就見倒呢個珍珠鑊，滿滿既黑糖漿包圍住每粒珍珠，好想直接食🤣呢部機就係用黎整珍珠，逐粒逐粒彈出黎睇落好治癒啊😌名符其實既即整珍珠！我揀左新出既鑽石台灣珍珠奶茶而朋友就要左抹茶珍珠鮮奶。鑽石台灣珍珠奶茶，飲品杯特登整成鑽石紋，仲印有女神兩字，感覺好高貴😍仲tum得人地好開心，可以做下女神！我覺得奶茶飲落似港式奶茶，茶味較濃。珍珠夠哂煙韌好好咬，而且粒粒都有濃濃既黑糖味😋抹茶珍珠鮮奶係配上草莓味既珍珠，顏色配搭得好靚！抹茶味有回甘又唔會太甜，珍珠同樣夠QQ🥰幸福堂呢個名果然無改錯，飲完令人覺得好幸福❤️