影片
更多
2024-08-20
374 瀏覽
每次去沙田行街都會係新城市廣場搵下野食，今次就去咗Butlery西餐廳試試😋，餐廳採用英倫歐陸風💂嘅時尚裝修，室內嘅大型弧形鏡面🪞更有空間感，非常舒適，打卡一流，而座位之間都相當寬敞坐得舒服，人流都算多，聽聞餐廳主打梳乎厘🥞，即刻點菜試試佢先🍴-HONEYCOMB CARAMEL(焦糖脆脆奶昔)🍹 - HKD 69強烈推介奶昔🍹！味好香又唔會有太膩嘅口感，而焦糖粒粒味道好香，咬落又甜又可以過下口癮幾正，雖然好邪惡，但係好飲嘅做多啲運動都心甘情願呀🤤-MATCHA CREAM PANCAKE(抹茶梳乎厘班戟)🥞 - HKD 119坐低見到隔離枱食緊已經忍唔住叫嚟試試啦~ 未食已經覺得佢賣相靚仔😍，充滿空氣感嘅外型真係忍唔住一路搖住佢嚟影相XD，口感十分鬆軟，亦充滿蛋香味🥚，令人好滿足，抹茶粉味道唔算太重，唔會蓋過蛋香，而忌廉嘅香味配合更令梳乎厘嘅味道多咗一個層次，係幾有水準嘅甜品，配料有少量紅豆🫘，抹茶蕨餅及士多啤梨🍓(有點酸) 過下口癮一流😝-CALAMARI SQUID INK PASTA(魷魚墨汁意粉)🍝 - HKD 142嚟得西餐廳緊係要叫個意粉🍝食啦~ 墨汁🦑意粉幾上色，意粉煙
-
HONEYCOMB CARAMEL(焦糖脆脆奶昔)🍹 - HKD 69
強烈推介奶昔🍹！味好香又唔會有太膩嘅口感，而焦糖粒粒味道好香，咬落又甜又可以過下口癮幾正，雖然好邪惡，但係好飲嘅做多啲運動都心甘情願呀🤤
焦糖脆脆奶昔
$69
17 瀏覽
0 讚好
0 留言
-
MATCHA CREAM PANCAKE(抹茶梳乎厘班戟)🥞 - HKD 119
坐低見到隔離枱食緊已經忍唔住叫嚟試試啦~ 未食已經覺得佢賣相靚仔😍，充滿空氣感嘅外型真係忍唔住一路搖住佢嚟影相XD，口感十分鬆軟，亦充滿蛋香味🥚，令人好滿足，抹茶粉味道唔算太重，唔會蓋過蛋香，而忌廉嘅香味配合更令梳乎厘嘅味道多咗一個層次，係幾有水準嘅甜品，配料有少量紅豆🫘，抹茶蕨餅及士多啤梨🍓(有點酸) 過下口癮一流😝
抹茶梳乎厘班戟
$119
17 瀏覽
0 讚好
0 留言
-
CALAMARI SQUID INK PASTA(魷魚墨汁意粉)🍝 - HKD 142
嚟得西餐廳緊係要叫個意粉🍝食啦~ 墨汁🦑意粉幾上色，意粉煙韌，配合埋忌廉汁嘅味道幾夾，又唔會有太過油膩嘅感覺，而且配料更有少量蕃茄🍅，清新解油膩一流，魷魚都相當爽口彈牙幾有咬口，唔錯👍🏻
墨汁魷魚意粉
$142
24 瀏覽
0 讚好
0 留言
-
MO(安格斯牛肉洋蔥芝士漢堡)🍔 - HKD 99
漢堡包🍔包面幾軟綿綿，食落鬆軟，上層係炒過嘅洋蔥🧅及蘑菇🍄，炒完嘅洋蔥汁真係好香，食一啖已經胃口大開，中間係安格斯牛肉加半溶芝士🧀依個傳統配搭，充滿肉汁嘅厚身嘅牛肉配埋芝士嘅香味真係幾時都無得輸，下層就有生菜🥬及番茄🍅，解牛肉🐂油膩一流，每啖食落都有多種口感真係好有滿足感🥰
安格斯牛肉洋蔥芝士漢堡
$99
15 瀏覽
0 讚好
0 留言
安格斯牛肉洋蔥芝士漢堡
$99
14 瀏覽
0 讚好
0 留言
-
整體嚟講Butlery食物水準都算唔錯👍🏻，尤其奶昔🍹同梳乎厘🥞真係相當出色，店員普遍都幾有禮貌，坐落同朋友吹下水打卡都幾舒服，但要留意用餐時間只有90分鐘，而且甜品係即叫即整需時15-20分鐘🛎️，如果係趕時間嘅朋友可以連同主菜一齊ORDER啦😉
張貼
