影片
更多
2021-07-04
444 瀏覽
.📍轉角．見📍 #饅頭去荃灣 #饅頭食西餐 #饅頭與cafe培養感情系列 呢間Cafe位置頗隱世，價格相比其他Cafe嘅漢堡算抵，質素都唔錯，再點1杯嘢飲就可以免費配薯條或者沙律😙。------------------------------型男漢堡 ($64)Size都唔細，餡料除咗漢堡手扒之外，仲有芝士、煙肉、紅菜頭、雞蛋同埋蔬菜，非常豐富。佢哋嘅包底係烘過，但感覺入面嘅水份未蒸發夠，面層嘅包可能再烘耐少少會更香🍞，亦冇咁濕潤。漢堡牛扒扎實juicy，煎得幾香💯，牛脂味道濃郁，筋部亦唔多可以增加嚼口；半溶嘅芝士味道突出🧀；煙肉唔會過硬過油，煙燻味為漢堡增添香氣🥓；紅菜頭係呢個漢堡嘅特別點睛之筆，清甜易咬，同牛肉意外地match，仲有助解膩😆；比較遺憾嘅係流心蛋係熟咗嘅，而且生菜亦唔夠脆口。------------------------------特濃花生奶昔 ($38)小編認識呢杯嘢飲係呢度嘅必叫之選，冰冰涼咁❄，簡直係夏天消暑恩物。濃郁嘅花生醬同牛奶好夾😍，唔會太甜，仲有顆粒增加層次，正！如果質地可以再稠啲就更perfect。--------------------------
📍轉角．見📍 #饅頭去荃灣 #饅頭食西餐 #饅頭與cafe培養感情系列
呢間Cafe位置頗隱世，價格相比其他Cafe嘅漢堡算抵，質素都唔錯，再點1杯嘢飲就可以免費配薯條或者沙律😙。
------------------------------
型男漢堡 ($64)
Size都唔細，餡料除咗漢堡手扒之外，仲有芝士、煙肉、紅菜頭、雞蛋同埋蔬菜，非常豐富。
佢哋嘅包底係烘過，但感覺入面嘅水份未蒸發夠，面層嘅包可能再烘耐少少會更香🍞，亦冇咁濕潤。
漢堡牛扒扎實juicy，煎得幾香💯，牛脂味道濃郁，筋部亦唔多可以增加嚼口；半溶嘅芝士味道突出🧀；煙肉唔會過硬過油，煙燻味為漢堡增添香氣🥓；紅菜頭係呢個漢堡嘅特別點睛之筆，清甜易咬，同牛肉意外地match，仲有助解膩😆；比較遺憾嘅係流心蛋係熟咗嘅，而且生菜亦唔夠脆口。
------------------------------
特濃花生奶昔 ($38)
小編認識呢杯嘢飲係呢度嘅必叫之選，冰冰涼咁❄，簡直係夏天消暑恩物。濃郁嘅花生醬同牛奶好夾😍，唔會太甜，仲有顆粒增加層次，正！如果質地可以再稠啲就更perfect。
------------------------------
薯條 (跟餐)
薯條都係極力推薦👍🏻，大大條炸到金黃色咁，外脆內軟唔會淋曬😋，鹽份量適中，原材料味道明顯，冇油膉味。
整體而言我覺得配菜比漢堡好食😂，但質素還是不錯的。
------------------------------
整體評分：8.2/10
小編回頭率：7/10
小編發現自己去Cafe比較鐘意嗌漢堡。
型男漢堡、薯條
$64
24 瀏覽
0 讚好
0 留言
特濃花生奶昔
$38
25 瀏覽
0 讚好
0 留言
張貼
