亞玉冰室 (已結業)

下午5點幾，未到晚飯時間，但又想食啲嘢，任性去咗亞玉冰室食個tea。之前都幫襯過幾次，除咗食物質素好，店員都好有禮貌。因為冰室唔開晚市，臨近6點冇乜人，坐得舒服。奶油多平時好少喺街食奶油多，覺得只係兩片方包搽牛油，屋企自己整都得😅，但因為想留肚食晚餐，唯有點最簡單的鮮油多。方包係厚多士，烘得好脆，內外都脆，真係唔錯喎，食得出師傅唔求其，用心製作。中間夾兩片超厚牛油，以為都幾油膩，但咬落去有淡淡牛油香味，一脆一軟，兩種層次，好有口感。奶茶茶味夠濃，多奶，好滑，都算好飲。原本想清淡啲簡單食個tea，但食完原來都幾飽。