翠華餐廳 (已結業)

好耐無食過翠華奶油豬，趁今日有時間食返個翠華早餐先。我最愛翠華早餐B，沙嗲牛肉麵、嫩滑炒無公害雞蛋，再加牛油豬仔包。翠華既公仔麵麵質好彈牙，有d似出前一丁，但沙嗲牛肉就次次食都唔熱，要自己將d牛肉&汁撈落d湯到浸熱。嫩滑炒無公害雞蛋，雞蛋真係炒得好滑亦好有蛋味，但係咪真係無公害就無人知😂，牛油豬仔包，翠華最好就係可以要求加煉奶，可自製奶油豬，好味但又好肥，做人真矛盾.....哈哈。最後加杯凍檸茶少甜少冰，豐富早餐，飽！