歇腳亭 (葵涌廣場)

營業中

休息中

近幾年香港開左好多台式飲品鋪，歇腳亭都算係開得耐既一間，但我係從來未飲過架，咁今日行過見到有學生優惠就買黎飲外。今次買左杯烏茶珍珠奶茶，M$18 L$20，著校服或者有學生證減$2，買左杯大既，叫左半糖走冰。奶精味超重，重到飲完個口有啲唔舒服，半糖個甜度都係偏甜，下次飲既話我覺得微糖都ok。同埋叫走冰杯野個完全唔凍既，室溫咁，因為有啲台式飲者鋪係沖嗰時已經有好多冰浸住，就算以冰都ok凍，但呢間就唔係，所以叫少冰應該會好啲。茶味偏淡，而且唔係好飲得出係烏龍茶。珍珠有咬口，甜度都唔錯，不過有啲痴埋左一齊，搞到飲既時候飲管塞左。整體6/10 分，如果變左鮮奶茶應該會好飲啲，茶味唔會比奶精味遮晒。