恰迷紅茶 (已結業)

之前呢間鋪準備開個陣，就有好多media出曬post宣傳。見佢開係荔枝角，近我番工放工，就bookmark左佢。結果路過左兩三次，都見到好多人排隊，所以就廢事排，無買到（今日去到已經無人排）。今日心郁郁想飲，見到佢地facebook話有得whatsapp落order，外賣自取。呢樣都真係幾方便，收工前嗌定，收工去到就有得飲👍🏻。我之前見到呢個Q罩杯就已經好想試下，因為我好鐘意啲有咬口既野，好鐘意食芋圓同珍珠個啲。佢地既芋圓同地瓜圓都唔錯，地瓜圓好重番薯味🍠，芋圓仲食到好細粒既芋頭，珍珠都好煙靭。但係奶茶就真係好一般，偏甜左少少，奶味太重，茶味就無。同埋中杯既Q罩杯就已經要$32，所以真係唔抵飲😕。