廟街得記大排檔

營業中

休息中

3點3係佐敦搵下午茶路經此地，阿姐阿哥熱情叫賣，結果行咗入去幫襯。原先想叫碟 乾炒牛河，點知老闆話今日廿斤河粉已經售罄，結果叫咗碟芙蓉蛋飯，奶茶同蒜蓉西蘭花。奶茶首先到，阿老闆話呢度杯茶一定要試，佢好自豪咁講沖咗幾十年，又的確係好飲嘅跟住係芙蓉蛋飯，大大碟但係偏咸最後上枱嘅係蒜蓉西蘭花，夠蒜香，幾好味，如果可以再炒乾身dd就梗加好。以上2人份量，共110，抵！大排擋，衛生，環境當然唔會好，但又唔算太污糟囉！下次肯定要試試佢哋嘅炒河粉，再加多杯奶茶，下午茶嚟講應該係幾好嘅選擇。