金記冰室 (創紀之城五期(apm)) (已結業)

一早去金記食早餐，價錢有少少貴，大約$45，不過食物質素中上，所以輕微貴少少都可以接受。熱奶茶好滑好好飲，好正宗，超級推介。滑牛肉公仔麵都好食，牛肉份量算多，仲有少少薑絲。可惜雙蛋個蛋黃好細，對於喜歡食太陽蛋的我，有少少失望。用手機點餐，好方便，每樣食物都可以另外選擇自己喜好，可以點選一個屬於自己喜歡嘅早餐。其實期間有個小插曲，有隻小曱甴爬咗去我個手臂，可能衛生需要少少改善。二人座位確實有點窄，要貼住牆邊坐，旁邊又好多人等位。