一芳台灣水果茶 (已結業)

最近真係好多台式飲品向香港落腳，加上天口熱辣辣，搞到為食家都心思思想飲返杯珍珠奶茶！上環最近新開左間叫一芳嘅飲品店，聲稱主打台灣水果茶同黑糖粉圓鮮奶茶。為食家今日買左杯粉圓鮮奶茶（半糖）（茶濃），一飲就知出事，非常伏。首先呢杯所謂奶茶，其實真係無咩奶香同茶味，我睇到一芳應該係用香港品牌的鮮奶去沖奶茶，所以唔香亦唔滑。茶味就更加唔好提，茶濃飲落都無茶味，不敢想像無咩茶濃嘅會唔會似飲糖水..............珍珠我覺得咬口算勉勉合格，但無咩甜味，雖然唔係叫黑糖個款，但天x茗茶個d珍珠食落都會feel到少少糖水煮過嘅甜味，呢間是無咩味嘅.........可能唔鐘意食甜珍珠嘅會鐘意呢間d珍珠？！總括來說，我會比唔合格，以一杯$29蚊（中杯），咁嘅質素，唔會再飲囉............