茶王冰室 (洗衣街) (已結業)

奶茶就周圍都有得飲 但今日我去咗旺角呢一間茶王冰室 佢哋聽個名就知係專做奶茶既冰室啦 我去到當然系試下佢哋嘅招牌茶王之王啦 雖然佢系$88一杯 但係我試完覺得物超所值 嚟到嘅時候佢有兩杯奶茶 一杯係細嘅 佢係絲襪奶茶 另一杯呢就係茶王之王奶茶 飲既時候系先飲咗第一杯先 跟住有杯清水去俾你清一清口裏面嘅味道再飲果杯茶王之王 佢系用左六種茶葉去沖嘅 所以佢哋嘅茶味道非常之濃郁 飲落去系飲到有回甘既味道 好正👍🏻😋跟住我哋另外再加一杯凍奶茶 我覺得其實都好好飲 佢奶味都好重如果平時飲奶茶覺得苦嘅朋友 呢一杯就啱晒你啦 另外我哋仲叫咗兩樣嘢食 叫咗個叉燒滑蛋飯同埋沙嗲蛋包包 佢個叉燒飯非常之好食 啲滑蛋炒得好滑 然後嗰啲叉燒肥瘦啱啱好 一啲都唔乾 如果你加埋黑椒一齊食嘅話 味道就更上一層樓另外佢個沙嗲蛋包包都好好食 啲蛋都非常之滑 然後切開裏面係一層麵包 包住裏面啲沙嗲牛肉 呢個做法非常之特別 喺出面我都冇見過 所以我覺得黎到朋友都值得一試😉