NUTTEA (海光街) (已結業)

好靚既鋪頭，上面有氣球裝飾，側邊有解釋五種堅果“五大堅果 缺一不可"分別係杏仁，核桃，夏威夷果仁，榛果，腰果，堅果。堅果奶同普通牛奶嘅分別係對奶敏感嘅人都可以飲！！同埋植物奶比鮮奶低卡，健康人生既我如果想飲奶蓋都一定嚟呢間！！我叫左芒芒堅果奶蓋茶 堅果奶蓋上面會有少少花生碎，奶蓋好香榛子味😍 水果茶佢建議揀微甜，入邊會有芒果肉，因為係用新鮮生果整嘅所以唔會係假甜 芒果完全唔酸，奶蓋好厚身，慢慢飲都唔會溶 最得意係佢會比個剷子你食奶蓋，好貼心！朋友叫咗伯爵朱古力堅果奶蓋茶奶蓋係朱古力奶蓋所以望落啡色微糖會好飲啲冇咁甜，茶底好有伯爵茶味 ，飲管仲要係環保飲管！！原本諗住叫草莓堅果奶蓋限定，好可惜賣晒 下次一定要試！