愛茶 (已結業)

愛茶比起一般飲品店特別地方在於茶類既多樣性，例如鮮果茶有六款茶底，純茶既話有七款。裝潢以木為主調，令我有少少身處茶莊既感覺。每間飲品店都有打卡位，愛卒既打卡位就係一幅草牆。我叫左雲南純普洱加奶蓋，茶味超濃，帶微微回甘。奶蓋唔算厚，但飲到最後仍然嚐到奶蓋。濃稠度亦適中，口感香滑，味道不會太鹹但鹹香味足夠。女友叫左水果茶，水果種類多達七款，係我飲過最多水果既一次，包括菠蘿、青提子、西瓜、西柚、士多啤梨、青檸同奇異果，不過水果質素參差，例如菠蘿比較酸。雖然客人無得揀甜度，但我覺得呢杯水果茶甜度適中，茶味比普洱更醇厚。價錢偏貴，但味道對得住呢個價錢。綜合而言，奶蓋高質，但水果茶更高質。