影片
更多
2017-10-13
438 瀏覽
同大佬好耐冇食放題，留意到呢間用象拔蚌刺身嚟做賣點，就去試一試！地點喺女人街裡面，都要用心搵，大廈門口比較唔顯眼，不過勝在夠光猛。搭𨋢上到去攞位，門口小姐問有冇報紙coupon😳，點解我打電話book枱時唔講嘅！入到去五成客人，我哋被安排坐喺一張好窄又好細嘅兩人枱，隔離亦都係一張同樣嘅枱貼住（已有食客），未有食物張枱已放有豉油一樽、豉油碟同碟、兩個膠水杯、點食物嘅紙（好厚一叠）有個蒸食物嘅爐，已經放滿嘢，仲有啲棟喺度嘅餐牌，根本張枱已經迫爆。唔明餐廳只有一半左右客，點解唔可以俾張大啲嘅枱呢！食物種類方面除多咗象拔蚌刺身，其他真係一般過一般。刺身落完單好快上枱，第一轉叫咗象拔蚌（大家唔好...好似我期望嗰啲象蚌拔刺身，因為呢間供應嘅應該係啲好細隻嘅急凍貨，食落冇鮮又唔甜，都爽嘅）、白玉豚（一般過一般）、鯛魚（冇味，當時都唔知食緊咩）、帶子（望落細細粒，都甜嘅）、甜蝦（中size，食得過嘅）、蠑螺（質地唔太淋，有口感，而且幾甜）。仲order咗魷魚、墨魚同帆立貝嚟蒸，蒸熟咗以上三樣好似橡膠咁，冇味得嚟好𡁻頭（一定冇蒸過龍），所以最後都係吐出嚟冇食，之後試蒸牛肉片反而好味。熟食方面有：串燒牛
地點喺女人街裡面，都要用心搵，大廈門口比較唔顯眼，不過勝在夠光猛。搭𨋢上到去攞位，門口小姐問有冇報紙coupon😳，點解我打電話book枱時唔講嘅！
入到去五成客人，我哋被安排坐喺一張好窄又好細嘅兩人枱，隔離亦都係一張同樣嘅枱貼住（已有食客），未有食物張枱已放有豉油一樽、豉油碟同碟、兩個膠水杯、點食物嘅紙（好厚一叠）有個蒸食物嘅爐，已經放滿嘢，仲有啲棟喺度嘅餐牌，根本張枱已經迫爆。唔明餐廳只有一半左右客，點解唔可以俾張大啲嘅枱呢！
食物種類方面除多咗象拔蚌刺身，其他真係一般過一般。刺身落完單好快上枱，第一轉叫咗象拔蚌（大家唔好...好似我期望嗰啲象蚌拔刺身，因為呢間供應嘅應該係啲好細隻嘅急凍貨，食落冇鮮又唔甜，都爽嘅）、白玉豚（一般過一般）、鯛魚（冇味，當時都唔知食緊咩）、帶子（望落細細粒，都甜嘅）、甜蝦（中size，食得過嘅）、蠑螺（質地唔太淋，有口感，而且幾甜）。仲order咗魷魚、墨魚同帆立貝嚟蒸，蒸熟咗以上三樣好似橡膠咁，冇味得嚟好𡁻頭（一定冇蒸過龍），所以最後都係吐出嚟冇食，之後試蒸牛肉片反而好味。
熟食方面有：串燒牛脷（唔錯，唔會又乾又硬），炒芽菜（唔係咩特別食品，不過本人覺得炒得啱啱好，好爽脆，唔係生嗰隻，略咸少少啫），蟹柳、龍脷柳同蝦天婦羅（唔太好食，係蝦會好啲啲，粉漿厚過乜）炸雞軟骨（反而好OK、細細粒嗰隻，食落香脆唔太油，一貫味道）牛肉粒（唔會硬實實，冇咩特別好），焗蠔（成pat沙津醬喺面，搵極都搵唔到隻蠔，最終放棄），象拔蚌壽司（件象拔蚌好似係熟冇嚟味道，飯散），黑松露油甘魚（唔錯，可能所謂嘅松露味重，魚味都有，不過比較輕），吞拿魚蓉手卷（喜出望外、魚蓉份量夠），蟹粥（稀到咩咁，係OK甜，因為個粥裡面有一舊蟹仔，係好細冇肉食嘅size，同啲象拔蚌做唔到刺身嘅部分，大大窩）。呢個放題有朝日啤酒同Sake任飲，當然有其他飲品啦，有啲見到都唔想攞嘅甜品（除酒類，飲料同甜品自取）。期間限時2個鐘，不過8個字前就會截order，好似食到中間叫你last call咁，攪到怕最唔夠食而落多咗嘢，一踏進2個鐘即刻叫走人。其實可能當日唔多客，服務尚可，而且人數多嘅話仲可以有個爐燒海鮮（見到啲大枱超過5、6人喺度燒海鮮，可能2人枱太細擺唔到個燒爐，所以冇得燒啩⋯⋯）
總結：第日朝早仲有肚痾，所以冇下次！
張貼
