生記粥店

營業中

休息中

唔知食咩好，求鬼其，一個人走去食粥啦。附近無咩粥店，又唔想去海皇，十年前食過好鬼難食後到依家都無再去，咁係無選擇情況下，再黎多次 ~皮蛋瘦肉粥，同樣問題，粥底普通，食落真係好似用雞粉同鹽，而且價錢唔平。真係好靚既粥底要用雞骨、豬骨或其他食材慢慢餚出黎，先有香甜味道，粥要既棉且滑，再生滾碗粥出黎就最正喇，令我又再一次掛住大埔魚滑啲粥。皮蛋質數麻麻，皮同黃都較硬身，無咩旦黃油。咸瘦肉無咩特別，大路安全。豉油皇炒麵，麵身較濕，應該係因為跟牙菜一齊炒，味道跟口感還可以啦，接受但好鬼寡，最後決定撈埋啲粥一齊食。可能滷抽跟生抽啲比例出左問題，唉。