德福閣

正所謂一分錢, 一分貨, 兩舊幾水的自助餐唔好期望過高, 首先餐廳位處豉油街, 近旺角東站, 交通方便, 餐廳範圍很少, 有點侷促, 可能閒日關係, 得果幾枱客, 環境清靜又唔駛搶食, 幾好! 生蠔係有啲海水咸味唔腥, 但細隻又有點沙, 凍蝦肉實, 三文魚及立魚雖然厚切, 但味道較淡, 比較普通, 藍青口比較細隻無味兼有點沙, 蜆同海螺都係無味, 個西湯好飲, 沙律都有幾款選擇味道唔錯, 即切的燒牛肉有牛肉味, 但嫌佢太生, 熱葷的燒骨, 西蘭花蟹柳及脆皮雞較好味, 八點表演火焰班㦸, 個班㦸係有啲橙味但好難食, 橙汁好淡, 甜品選擇很少, 只係燉蛋幾嫩滑, 服務員態度很好, 換碟好快, 整體對我來說都只屬一般, 無下次!