101臺灣品味館 (已結業)

早前行經太子，由於自己一個人去食午餐，見到101臺灣品味館，我就走入去食喇！入到去以為未開門，因為得1位侍應，沒有招呼，亦未有客人，我睇左陣餐牌想叫侍應落單，但佢地好似企左去廚房位傾計，我要企身叫佢地先過來。去這餐廳不是要有好服務，但最基本見有客人進來，侍應應該要準備好客人隨時要落單，唔好掛住傾計先囉！我食得好清淡，叫左碗酸辣薯粉加通菜，其實哩碗麵都無咩技巧，薯粉質地軟硬適中，通菜沒有淥到過淋，仍然爽脆，只係覺得湯底好一般，清湯般，不像酸辣，雖然係有啲酸和辣味道，但看得出沒有用心做出來的湯底，像是清水加味精，如果去其他有名氣米線店都起碼睇得出人地個湯係精心調較出來吧！另外，飲品就叫左水蜜桃紅茶，紅茶底都唔錯，有茶味適中，叫左少甜，蜜桃味道都算真實味唔難飲。埋單$48，這個價錢唔係貴，不過我以上個餐好像又唔值哩個價錢，餐廳名叫101臺灣品味館，食物及環境都做不到有品味吧，只不過普通壹灣食物及飲料。