芋見好圓

營業中

休息中

因為冇諗住寫食評所以冇影相真係好一般，從來唔寫食評今次都要講下叫咗巨無霸芋圓1號，配料有芋頭+紅豆+波霸，芋圓本身有啲寒天粒同粉條。湯底揀咗黑糖鮮奶，個人覺得偏甜三倍大芋圓係噱頭，只有芋圓同蕃薯圓，冇紫薯圓。成碗得三粒大芋圓/蕃薯圓，另外有啲普通大小嘅。芋圓一咬開就feel到係好多木薯粉，肉眼所見有透明木薯粉，得少少芋頭碎。蕃薯圓食落好大陣魚肝油味，覺得應該係落太多魚膠粉，細粒嘅蕃薯圓就好似冇哩陣味。波霸中間偏硬，好似煮唔透咁，但又唔係粉粉啲果種。粉條同寒天就正常。總之就係中伏，唔會再買。