Rakuraku 樂拉麵 (康怡廣場北座) (已結業)

之前見到康怡開左間新日式餐廳，一直都想黎試下。今次平日黎食dinner，唔洗等位即刻有得入。見到餐牌有石鍋龍蝦湯叉燒泡飯($72)，好似好吸引咁，決定試下。估唔到一落完單無耐野食已經即刻送到，快到我同個fd都嚇左跳。個石鍋睇落好似好滿，不過分量其實都唔多。有一片叉燒腩，食落基本上都係肥膏。其他仲有啲叉燒粒，不過始終都係麻麻日式叉燒，覺得頗乾。至於個飯，一開始見餐牌寫泡飯以為係湯飯咁浸喺啲龍蝦湯度。點知食落只係一個好普通嘅飯，係乾身完全無湯，而且龍蝦味一啲都食唔出。覺得都幾失望，雖然唔係話好難食，但係完全同佢個名不符，覺得有啲中伏感覺。如果係見到龍蝦湯被吸引嘅，建議可以唔洗叫依個飯。