港澳義順牛奶公司 (已結業)

係油麻地同朋友食完晚飯，就諗住去食下甜品。行行下咁o岩見到呢間義順牛奶公司就入左去食。入去見到間野嘅設計好似懷舊冰室咁，幾有特色，裡面今晚好多人，幾旺。呢次係我第一次食呢間野，所以就叫佢地招牌嘅馳名雙皮奶。雙皮奶個面有一層薄衣，溫度幾熱，一聞好香奶味，食落口感幾滑，但裡面嘅水份偏多。味道方面偏甜、奶味好重，但我食到一半就覺得有d膩，唔係太想食落去。整體來講，我覺得呢個雙皮奶麻麻好食，要$36比較貴，唔係太值。