影片
更多
2024-02-08
1204 瀏覽
蜜雪冰城終於喺香港開咗首店，呢間小店以手搖飲品主打，其次有出名嘅雪糕，國內嘅蜜雪冰城有好多分店，價錢都超平，好耐之前飲過珍珠奶茶$3人仔😱，事後冇肚痾嘅😂，呢間新店開張排晒長龍，係打晒蛇餅，我諗條隊要排一至兩個鐘，今次見到就冇咁多人，喺我前面大約有七至八個排緊，見唔使等好耐就試吓買嚟飲，見到呢度普通嘅🍹珍珠奶茶要$16，比國內貴好多，不過以香港嚟計算超抵，依家閑閑地手搖店一杯普通嘅珍珠奶茶都要20幾蚊，但係$16嘅珍珠奶茶性價比又高唔高呢😌我嗰日大概五點去買，其實成個流程都唔使等太耐，由買到等攞都唔使三個字，去到嗌嘢飲嘅時候，職員嘅廣東話唔係十分流利，所以有啲聽唔明，本身想飲係🍹滿杯百香果，裏面有百香果粒，茶底同埋珍珠，但係佢話冇珍珠，椰果都冇，5點就好多嘢都沽清😩，可能佢哋啲珍珠煮唔切？最後我叫咗杯🍹芋圓葡萄 $17 :點講好…..佢唔係難飲嘅，本身都好驚佢個提子味會似藥水，但飲耐係似巨峰提子嘅味，不過超淡😩，其實睇落去有粒粒果肉嘅係小丸子，唔係芋圓，食落都係小丸子嘅味道，可能佢哋叫法唔同？裏面除咗小丸子之外，仲有脆波波，本身係椰果，因為沽清所以就轉左脆波波，口感似寒天，比較爽，總括
我嗰日大概五點去買，其實成個流程都唔使等太耐，由買到等攞都唔使三個字，去到嗌嘢飲嘅時候，職員嘅廣東話唔係十分流利，所以有啲聽唔明，本身想飲係🍹滿杯百香果，裏面有百香果粒，茶底同埋珍珠，但係佢話冇珍珠，椰果都冇，5點就好多嘢都沽清😩，可能佢哋啲珍珠煮唔切？
最後我叫咗杯🍹芋圓葡萄 $17 :點講好…..佢唔係難飲嘅，本身都好驚佢個提子味會似藥水，但飲耐係似巨峰提子嘅味，不過超淡😩，其實睇落去有粒粒果肉嘅係小丸子，唔係芋圓，食落都係小丸子嘅味道，可能佢哋叫法唔同？
裏面除咗小丸子之外，仲有脆波波，本身係椰果，因為沽清所以就轉左脆波波，口感似寒天，比較爽，總括嚟講，你的價錢如何，你的品質必定如何😌
此外，香港店嘅飲品杯同飲管都係比較厚身同硬身，而國內嘅杯身比較軟，基本上大力少少驚佢會爆，飲管嘅佢哋係用咗可分解物料製造，而店面嘅外貌就幾乎一樣
張貼
