上海飽餃店

營業中

休息中

咁岩係紅磡個頭搵個朋友，之後都開始有少少餓意，就諗住搵下野食，但又唔太想食得太飽，怕食得太飽，晏少少食唔到晚飯。跟住行下行下見到呢間上海小店，就係平時好傳統格局既舖頭，成間舖頭好多細枱櫈，牆身同地板都係瓷磚鋪，都有少少個種懷舊既感覺。小店門口擺有外賣檔位，有蒸餃、蒸包、蔥油大餅賣。因店內地方淺窄，豆漿機都係放在近門口位置。我就點左一個葱油餅、素菜包、生煎包同一份鍋貼作為我同朋友既下午茶。先講下個葱油餅，葱油餅都幾香，咬落去除左有芝麻既香味仲有少少油同葱既味道升上黎，個味道的確係不錯，又不會煎得很燶。煎窩貼都好好食，一份有4 個，包皮包得都好正宗，厚度適中可以鎖住肉汁，咬落去微暖,加埋豬肉，所以都好有咬口。生煎包方面，都煎得幾香，包底脆脆地，包面軟軟的，餡是豬肉，不算太油膩。有時，就要係舊區先會搵番Ｄ有風味既野食。