黑木亭居酒屋 (金馬倫道)

今次係第二次去黑木亭居酒屋，今次係去尖沙咀分店食野，今次要等位15分左右，因為我7點30左右去到，已經坐爆晒。頭盤叫左波士頓龍蝦刺身（三食），冰鎮龍蝦刺身食落真係好新鮮，點一點Wasabi味道更佳，份量2人食好足夠。跟住order左黑糖燒菠蘿，$38三塊大大塊燒菠蘿堅抵食，又多汁加上黑糖好甜呀👍🏻我同家人各自點左藍蝶花佛手柑熊茶同埋紅火龍佛手柑熊茶，真係超級大杯，入面材料好足夠，$68一杯吾貴。龍蝦蜆肉濃汁燴飯，龍蝦算係大大隻，有好多蝦糕，好鮮甜！另外炒飯用龍蝦同蜆肉炒，略略有點太濕，但是整體味道吾錯，份量足夠性價比👍🏻👍🏻最後龍蝦鉗蒸蛋，剛出爐熱度夠蟹味濃，附送厚肉蟹鉗。總結：雖然要等位，由入去侍應服務態度，到食物質素，價格居酒屋黎講中價位，非常合理，我會再幫襯呢間食肆，同埋願意推介俾朋友。