稻香超級漁港 (已結業)

對稻香印象都幾好, 但今次真的扣晒分, 星期四諗住都多人食晚飯, 所以訂定位, 我哋5大1小(4歲)7點到達, 當時都未見滿座, 坐下10分鐘已9成滿, 椅背對椅背好近, 我媽話好似有$28條蒸魚, 睇紙冇, 問伙計話冇, 只有每位半隻燒乳鴿, 我媽話其他稻香有, 伙計再話冇.後來我哋點咗瑤柱冬茸羮, 波羅咕嚕肉(得兩舊波羅), 孖寶: 蝦蟹肉炒西芹, 茄子炆班煵, 3隻燒乳鴒-送(4歲小童收到茶錢所以有半隻, 但d乳鴿好bb囉), 最激氣就係叫飯, 第一次同伙計講要4個白飯, 5分鐘都未到, 問另一位伙計, 佢話張咭冇寫到, 我哋張咭下面甜品欄寫4畫咩意思, 佢話落4個甜品囉, 我話唔係呀, 飯都未嚟食咩甜品呀, 個伙計再落單, 大大小小十張枱得一個侍應, 我哋飲完羮d碗又唔收, 為有疊高, 其他枱都一樣.又過5分鐘, d餸都凍晒, 叫個侍應, 佢好似聽唔到咁, 又過2分鐘, 找到另一個侍應問, 再過2分鐘, 終於d飯煮好喇, d飯好煮得好爛, 我哋快快食完結帳走人.**唔夠侍應就請人啦.