影片
更多
2011-08-31
28 瀏覽
又一間好久沒幫襯但又好想講一下好與壞睇到最近的食評都係差的,唔知係唔係換左人/料沖呀,我半年前飲仲係好好飲呀!之前幫襯開輕鬆飲,見新野又多人排就打算試一下啦!每間台式飲品店最重要就係睇杯珍珠奶茶,所以第一次就揀佢啦!!第一啖就覺得奶同茶味係配合到的,唔係分開茶還茶,奶還奶,甜度適中,珍珠有咬口,不過好淡味,因為我飲得慢,D冰溶得快,令到個奶茶淡左,失敗,下次要叫少冰!!對了,還有十送一,令到我好努力去吸印仔啦!咁第2次去試,就去試下佢有其他人無的奶蓋綠茶,見到個包裝有少少唔同,用膠紙貼住個蓋連杯身??面頭仲教我3種飲法,咁當然要試晒啦,就咁飲2啖先,綠茶有點苦,正常味道,然後我就試下開蓋飲一口奶+綠茶,嘩!正呀!奶蓋滑入口再加綠茶一齊入口個比例啱啱好!今次叫左少冰,所以唔係有好多冰擋住晒,不過响條街度咁樣飲法有D異相,仲需要好多紙巾(奶蓋都在嘴邊............)所以試左幾啖就用第3個方法了,就是搞埋D奶蓋同綠茶,變成奶綠,一飲,D奶中和左個綠茶苦味,又係好好飲,1杯野飲,3種感受,令到我愛上左呢間野!咁之後我又試下奶蓋紅茶啦,感覺好似比青茶仲苦左,如果我用第3個方法去飲,又好
睇到最近的食評都係差的,唔知係唔係換左人/料沖呀,我半年前飲仲係好好飲呀!
之前幫襯開輕鬆飲,見新野又多人排就打算試一下啦!每間台式飲品店最重要就係睇杯珍珠奶茶,所以第一次就揀佢啦!!第一啖就覺得奶同茶味係配合到的,唔係分開茶還茶,奶還奶,甜度適中,珍珠有咬口,不過好淡味,因為我飲得慢,D冰溶得快,令到個奶茶淡左,失敗,下次要叫少冰!!對了,還有十送一,令到我好努力去吸印仔啦!
咁第2次去試,就去試下佢有其他人無的奶蓋綠茶,見到個包裝有少少唔同,用膠紙貼住個蓋連杯身??面頭仲教我3種飲法,咁當然要試晒啦,就咁飲2啖先,綠茶有點苦,正常味道,然後我就試下開蓋飲一口奶+綠茶,嘩!正呀!奶蓋滑入口再加綠茶一齊入口個比例啱啱好!今次叫左少冰,所以唔係有好多冰擋住晒,不過响條街度咁樣飲法有D異相,仲需要好多紙巾(奶蓋都在嘴邊............)所以試左幾啖就用第3個方法了,就是搞埋D奶蓋同綠茶,變成奶綠,一飲,D奶中和左個綠茶苦味,又係好好飲,1杯野飲,3種感受,令到我愛上左呢間野!
咁之後我又試下奶蓋紅茶啦,感覺好似比青茶仲苦左,如果我用第3個方法去飲,又好似變左奶荼,不過最後都係試晒3種,結論係:還是青茶好!
又有一次,見到原來有個冰淇淋紅茶,咁又試下啦!,個雪糕幾滑,但個紅茶好苦,所以忍不住將個雪糕搞溶佢中和苦味,變成普通奶茶><
另外有次看到旺中對面又有一間分店,就打算去吸印仔啦!朋友叫了一杯梅子可樂(因為佢想飲黑水),而我就飲保證冇死錯人的奶蓋綠茶啦!結果............我錯了,可樂他喵的好酸,朋友飲2口就想丟掉,我叫佢唔好浪費,飲多D先(都係飲左半杯到.........我都頂唔住,好難飲),而我果杯..............飲奶蓋果下,差D倒唔出,成口奶蓋只倒到DD綠茶入口,冰又冇少到,隔住D綠茶,搞到我要急急腳搞拌佢飲奶綠算,仲要飲到最後奶多綠茶少,比例一D都唔啱,令我明白到分店同主店的分別,仲有吸唔到印仔,因為唔同人開的(我真想爆粗),以後都唔幫襯分店!!
仲有隻好想介紹的格雷黑糖奶茶,黑糖凍配奶茶個味真係唔錯,咬感比珍珠更軟但好煙靭,配唔太甜的奶茶剛剛好!
總括來說,只要係主打的都係好好喝,不是主打就要憑自己的味覺試了,因為他不再10送1,我都少喝了服務的話都算幾好,不過有時佢地都會唔記得問要唔要少糖少冰的,抵食的話,我覺得比附近貴幾蚊,又唔肯做特價,但都係咁多人排隊呢下有保證,值得!
張貼