金坊泰國美食

營業中

休息中

寶琳美食話多唔多，話少唔少。但係泰國菜我真係數唔到有第二間，呢一間金坊性價比幾高，價錢平，大大碟，又好食😋午餐叫咗海南雞拼豬手飯，配幾條芥蘭、一隻蛋，飯係平時食海南雞嘅黃薑飯。海南雞幾嫩，豬手幾入味。湯係送嘅，可以揀冬陰功湯或者椰奶雞湯，有時會有冬瓜湯添。加埋嘢飲都係50幾蚊，喺大商場來講都算抵啦～我最鍾意追加佢嘅炸雞翼，佢嘅炸雞翼神奇之處就係凍咗都唔會冧！晏晝嚟嘅話好多學生哥同老師嚟食，有機會要等位。