星願 居酒屋 (已結業)

我屋企附近好多餐廳都已經其實都已經食過曬㗎啦，疫情期間都唔知食乜嘢好，好多餐飲業都經營唔到落去，好多都已經可能停業甚至係結業唔做，咁就唯有可能試下新嘢上網睇下有咩好食囉~ 我發現到將軍澳地鐵站附近有一間日式嘅居酒屋，睇相睇個賣相都好似幾唔錯，食評都ok所以就決定去試一下~黎到店內餐廳裝修簡潔整理，裝修都好似係用咗日本較為深色嘅木紋風格，位置空間闊落都好舒服，餐牌比預期中菜色多好多好多咁我例牌就試下佢哋日本嘅魚生丼飯，$95 三色魚生丼 魚生質感非常新鮮，睇落去都好肥美，鮮甜易入口勁好食！下次都係食多次~ 真係要嚟試下！$68 泡菜海鮮拉麵市面上相對比較見得少，味道酸甜得你又帶點鮮味，相當過癮！另外仲叫多咗日式醬燒五花腩同埋鹽燒燒雞翼，佢哋都燒得外脆金香，鍾意食日式串燒嘅都可以嗌埋！味道:❤️❤️❤️❤️ 5/4推介:❤️❤️❤️❤️ 5/4環境:❤️❤️❤️❤️❤️ 5/5