順日本料理 (已結業)

前晚去咗同好耐冇見嘅朋友食飯，佢介紹嚟呢一間，我先發現原來老闆係日本人！唔怪得之啲嘢咁地道！勁似我去日本食嗰啲居酒屋嘅味道咁樣！有套餐 有散叫 亦都有omakase 我哋兩個女仔決定散叫🥗軟殼蟹沙律⭐️⭐️⭐️⭐️用量十足，到底落咗幾多軟殼蟹，食極都仲有🤤沙律用咗特製黑醋汁，好開胃🥰🍢雜錦串燒⭐️⭐️⭐️⭐️⭐️冬菇好香，免治雞肉棒嫩滑多汁👏🏻👏🏻京蔥爽口，雞軟骨香脆👍🏻燒厚切牛舌⭐️⭐️⭐️⭐️⭐️呢個要比爆分，一定要食，出邊啲牛舌薄切切。呢度嘅牛舌厚切，而且牛香味超重，肉汁鮮味，講起都想食多舊😂清酒煮蜆⭐️⭐️⭐️⭐️⭐️無懈可擊，蜆肉肥美，新鮮！😍每咬一口都會爆汁天婦羅蕎麥麵⭐️⭐️⭐️⭐️天婦羅十分出色，炸蝦炸茄子，最特別係有炸菇竹 壽司拼盤⭐️⭐️⭐️⭐️⭐️又係爆分之選，所有魚生極度新鮮，油份夠香。我同朋友都讚不絕口！真係媲美喺日本築地食嘅一樣🤩環境清潔寧靜，服務生服務質素非常好，不停為我哋換碟，加茶。而且師傅非常專業！下次要再去試埋佢個omakase ！💖