匠一麵屋 (已結業)

喺長沙灣有一間拉麵店好想推介俾大家，呢度唔單止有經典嘅濃厚醬油、鹽味、豚肉、叉燒拉麵任君選擇之外，特別喜歡這裏有一個濃厚魚介拉麵，價錢理想且味道烹調得10分有驚喜；湯底口感具層次感，先感受到用魚介熬制而成嘅濃郁後感覺舒服不油膩，好快我就飲晒成碗湯。談到拉麵，闊度粗到偏粗，食落口感彈牙兼嚼口，真係好想食完再叫多碗，可惜肚皮不夠位😂。拉麵加上自選的的烤肥叉燒（豬腩肉）真係夾到冇朋友；豬腩肉長方形切片，一共有4塊，份量十足。自家製醬汁以燒烤方式烹調而成，一擺上台就香噴噴，真係忍唔住要即刻品嚐。另點選半熟蛋烹調技巧10分出色。小食就點左個炸雞，香脆可口，有少許肉質不會炸得太乾，真係要俾個讚好！