平昌

營業中

休息中

平昌韓燒我之前有食過旺角分店，已經覺得好多嘢食好抵食，同埋氣氛好好。今日行過樂富商場竟然見到呢度都有平昌，我時間尚早大約18:00，所以完全唔使等位。一邊環境裝修都非常乾淨企理，每張枱之間都有一定嘅距離，唔會覺得好迫夾，地面上唔會痴痴立立，非常企理。都係好有韓國氣氛坐圓凳，圓凳下便係可以擺自己啲袋。我哋揀咗大君御膳套餐，可以有120分鐘進食，平日成人價錢$228。我覺得大君都已經好多嘢食，牛肉種類已經有八款，我特別推介001( LA牛扒 )同002 (調味烤牛肉)，好好食，忍唔住encore咗幾次。海鮮都有幾6款，有青蠔，魷魚，鯖魚柳，半殼扇貝，虎蝦，調味鰻魚。我個人最喜愛就係半殼扇貝同埋虎蝦，夠晒大隻同新鮮。