影片
更多
2018-02-23
144 瀏覽
今日去左九號水產行街買野 行到有d肚餓 咁就即刻去食壽司啦我去到既時候差唔多下午2:30 好彩仲趕到係下午休息時食個lunch ja佢既lunch有勁多選擇 我見到佢係既壽司係即叫即做 諗到唔駛諗即刻叫左個自選10件壽司啦 但要係呢25件之中揀10件壽司其實都有d困難 所以最終都用左10分鐘去揀😬我特登揀左面向壽司師傅既位坐 好似去左日本食壽司咁呀壽司上既次序係由淡到濃味 而呢度既壽司師傅係會等到你食完一舊壽司先會整下一件架 保証新鮮呀 〰️油甘魚〰️呢個就係第一件我食既壽司啦 油甘魚好新鮮好肥美 〰️甜蝦〰️蝦肉好晶瑩通透 蝦肉爽口 完全冇係其他地方咁食到有雪藏既味 好新鮮呀〰️吞拿魚〰️色澤好紅潤 魚肉唔痴牙 有種入口即溶既感覺〰️海膽〰️其實叫之前都有掙扎 因為成日會食到d苦澀既海膽 但係呢個海膽係好鮮甜 仲有呀 佢雖然細細粒咁 但係海膽份量係勁多〰️三文魚籽〰️因為即叫即整 所以個紫菜仍然做到脆口 而三文魚籽份量都好多 多滿足 食完三文魚籽之後就黎左一碗麵豉湯 師傅好多耐性咁等我飲完先整下一件壽司〰️醬油吞拿魚〰️呢個比之前既吞拿魚個味咸少少 開始逐漸濃味啦〰️燒左口魚邊〰️呢個一向我最鍾意食嘅 本身左口
我去到既時候差唔多下午2:30 好彩仲趕到係下午休息時食個lunch ja
佢既lunch有勁多選擇 我見到佢係既壽司係即叫即做 諗到唔駛諗即刻叫左個自選10件壽司啦 但要係呢25件之中揀10件壽司其實都有d困難 所以最終都用左10分鐘去揀😬
我特登揀左面向壽司師傅既位坐 好似去左日本食壽司咁呀
壽司上既次序係由淡到濃味 而呢度既壽司師傅係會等到你食完一舊壽司先會整下一件架 保証新鮮呀
〰️油甘魚〰️
呢個就係第一件我食既壽司啦 油甘魚好新鮮好肥美
〰️甜蝦〰️
蝦肉好晶瑩通透 蝦肉爽口 完全冇係其他地方咁食到有雪藏既味 好新鮮呀
〰️吞拿魚〰️
色澤好紅潤 魚肉唔痴牙 有種入口即溶既感覺
〰️海膽〰️
其實叫之前都有掙扎 因為成日會食到d苦澀既海膽 但係呢個海膽係好鮮甜 仲有呀 佢雖然細細粒咁 但係海膽份量係勁多
〰️三文魚籽〰️
因為即叫即整 所以個紫菜仍然做到脆口 而三文魚籽份量都好多 多滿足
食完三文魚籽之後就黎左一碗麵豉湯 師傅好多耐性咁等我飲完先整下一件壽司
〰️醬油吞拿魚〰️
呢個比之前既吞拿魚個味咸少少 開始逐漸濃味啦
〰️燒左口魚邊〰️
呢個一向我最鍾意食嘅 本身左口魚邊係好肥美嘅 而呢度嘅燒完之後嗰啲魚油浸左落個飯入面 真係好正呀
〰️燒三文魚腩〰️
呢舊三文魚腩好厚切 魚油味勁重 雖然佢燒左 但係又唔會覺得好膩
〰️吞拿魚腩〰️
又係一係入口即溶既美食呀 真係好肥美
〰️鰻魚〰️
最後一件以醬汁最濃味既鰻魚作結尾
一開始未食之前壽司之前 呢會有沙律同埋蒸蛋嘅前菜 仲有一杯焙茶添 而當你食到最尾之後 侍應再會比你飲一杯綠茶及甜品（紅豆雪糕）
我問個壽司師傅 佢話開頭既焙茶係令到客人可以開胃啲 最尾係綠茶係可以減走個種食得飽飽滯滯嘅感覺 估唔到食壽司飲既個杯茶都咁有學問呀 認真專業
張貼
