九丁目燒肉料理

營業中

休息中

趁放假入左元朗搵食，崇日朋友介紹呢間九丁目燒肉，話好有日式風味。果然由門面到餐廳裝修到食物都好日。海鮮盛-有原條魷魚，日本蠔X2, 大元貝X2, 龍蝦X2, 甲羅燒X1，全部都新鮮度十足-元貝洗得好乾淨，加左牛油同蒜蓉去燒，大隻，肥美，重點係十分鮮甜，係元貝獨有的鮮味，唔係雪藏貨可以做到-龍蝦燒到半熟後我哋放左落元貝殼度吸住元貝汁黎繼續燒，唔係超級大隻但肉質好彈牙，真的食到龍蝦香味。-原條魷魚燒後都仲好juicy，好大隻好濃鮮魷味-甲羅燒: 蟹膏加上蟹肉同大量蟹籽，蟹味香濃。配有多士烤後沾黎食，唔會膩又提昇口感 特選牛肉盛-厚切上品牛舌X2, 上品和牛肩肉X4, 十勝和牛肉眼頂X4, 上品牛胸腹肉X4。好欣賞有比到牛脂去起爐👍🏻-最Impressive 係厚切牛舌，厚肉，爽口，但入面好嫩。師傅介左紋係面所以更易燒唔會過熟。-十勝和牛肉眼頂: 入口即溶，唔會因為油脂多而冇牛味，牛味好濃郁。