築地GINDACO (已結業)

今日由於趕住睇戲，唔夠時間坐低食野，所以係戲院附近買左盒小丸子食頂下肚。黎到既時候都有唔少人排隊，不過好彩好快就輪到我啦。發現原來佢已經有一堆堆小丸子整定，感覺好似擺左一段時間咁。我買左 4 粒正宗既小丸子，索價 $18，當然唔算平，佢問我要唔要沙律醬，我話要，不過佢都係俾左好少我。正如我所講，小丸子可能擺左一段時間，所以放入口完全唔驚熱，個表面好鬼凍，完全無熱辣辣的感覺，而且感覺好似乾左少少。入面d章魚都算大粒，而且彈牙。不過但係醬汁真係好少，無論係沙律醬定係佢原先既醬汁都好少，所以感覺爭d，唔夠味。我諗如果佢係熱辣辣會好食好多，基本上我一向都係幫襯開日之船，食完呢次後都依然係覺得日之船好食D。