辛味屋

營業中

休息中

附近有間服裝鋪大減假，行完之後黎左呢邊搵野食，見到咖哩烏冬幾吸引就入左黎食。平日八點幾，無人等，隨便坐，店員服務態度好隨便，中唔中意就睇人啦，我無乜所謂。叫左吉豬咖哩烏冬餐，有前菜同湯，幾好食既薯仔，夠凍。麵豉湯正常，好難伏。咖哩烏冬好香，質地係稀既，因為佢係湯，唔係汁，但都十分夠味，足料，好味，唯一可更好既係個烏冬，唔彈牙，超市買既都會彈牙過佢。個豬扒正常啦，呢個價位，乾乾地算係咁，唔難咬，唔會奢求佢好多汁，所以呢個算係合格。另外加左$25要個可樂餅，其實即係薯餅，樂食喎，又脆又香口。都講過店員態度幾隨便，一路食一路聽到佢同廚房用普通話傾計，引起我注意既係佢一句「搞甚麼飛機」。我都係望一望之後繼續食野。