瓜破菓子店 (Life@KCC)

營業中

休息中

個樣好似舊石咁，但其實係一個蛋糕嚟。見到廚窗幾靚，所以就買咗件嚟試，佢個名叫 襌Zen, 正好啱我而家嘅生活，我真係需要襌啲。蛋糕分為三部分，外層灰色嗰層，中間cream, 同最入面有啲crunchy 嘅脆脆. 外層係白味噌雲呢嗱，中間係白朱古力焦糖忌廉，最入面係榛子脆脆。食落個感覺好好笑，我以為佢外層係硬嘅，仲幾大力咁切落去，點知原來係軟身，好似mousse 咁，第一啖係有啲似食梗布丁mousse 咁，睇返相先記得，呢個係白朱古力為主嘅蛋糕。雖然白朱古力都係好甜，但feel 到已經少甜咗好多，白朱古力味都幾岀，cream 好滑，好食，入面啲脆脆都唔錯，加埋啲脆脆食，成個就無咁甜，反而有帶岀咗白朱古力雲呢嗱嘅味道，確實唔錯。其實呢間未有實體店前已經幫襯過買蛋糕㗎喇，就係好食先再嚟買，絕對值得再去買第三第四次。