MR. MAKI (保和大廈) (已結業)

三文魚轉角遇上蝦灣仔一條小巷入面有間裝修好似美式快餐店嘅壽司店，座位唔多，但每次經過總會見到入面坐住一兩個客人。我見到三文魚轉角遇上蝦呢個名幾搞笑生動 ，於是就點咗呢一客壽司嚟食。壽司一碟八小件，用個靚靚木盒裝住。 夾起一件，衹見壽司topping有塊三文魚，米飯內裹住一層紫菜，內裡包住炸蝦，少量芝士醬同埋一條蘆筍。炸蝦係新鮮炸起，食落仲喺熱嘅，不致凍冰冰。配上芝士醬同三文魚，每一口都係滿滿嘅油脂感，蘆筍啱啱好中和咗依種油脂感，又不致於破壞壽司原有嘅味道。