阿賢麵線 (已結業)

首先我申報定先，我係勁勁勁鍾意食台灣麵線嘅，去咗台灣夜市一晚點都之少食一大碗，台北嘅阿宗麵線更係我可能一日食兩碗。所以我對麵線係有種偏愛如果覺得我講得太誇張嘅，請多多包涵有一日突然間好想食台灣小食，我上OpenRice 搵麵線一岀就見到依間餐廳，見到有麵線食就毫不猶豫咁黎咗。我就叫咗個麵線嘅set，入面包一杯冬瓜茶，同一款小食，而我就叫左滷水雞髀。先講冬瓜茶，不太甜之餘亦有一點生津嘅感覺。之後就係主角岀場，大腸麵線嘅大腸好入味，麵線嘅濃稠度、咸度都調教到同台灣一樣，而仲有菜甫都係任落，如果想食小辣嘅你都可以加少少而雞髀就正正常常啦，無乜特別。整體來說，我諗全港無乜幾間可以整到同台灣差不多嘅麵線，而依間暫時係我食過之中最好味嘅一間，所以大力推薦比大家！