影片
更多
2018-11-17
35 瀏覽
秋天嚟到，食返碗熱辣辣嘅拉麵就最好不過啦。咁岩今日過海，喺灣仔行行吓街，見到呢間拉麵店，二話不說就入咗去食。店舖唔算話好大，同日本街頭嘅小店一樣，師傅仲要係日本人，入到去好似去咗轉日本咁🇯🇵餐紙同一般拉麵店相同，有得俾你圈唔同配料嘅份量。我比較鍾意食粗麵，因為一嚟飽肚，二嚟口感豐富啲。通常我平時去拉麵店都會揀招牌拉麵，因為一定會有返咁上下水準🤤而我揀嘅就係一虎拉麵🍜呢碗拉麵上面有蔥同埋木耳，仲有幾塊叉燒，一隻溏心蛋。飲左第一啖湯底，就知道我會好鐘意！因為湯底夠熱，能帶起濃濃嘅豬骨味，再配埋麵條食，夠彈牙亦好有層次感👍🏼最欣賞係隻溏心蛋，將佢鋪喺麵條上面，而唔係浸左落去，令佢仍然keep到半生熟嘅效果。蛋黃汁嘅味道好重，果然日本蛋係好食啲嘅🥚另外仲嗌咗一碟煎餃子，即嗌即煎，上枱時餃子仲熱辣辣，擺入口幾乎辣親咁滯。餃子外皮包得好靚，肉汁無漏流出嚟，餡料夠大，整碟餃子都非常好食👍🏼食完碗拉麵仲覺得唔夠喉嘅朋友，一定要嗌碟嚟食下😍
店舖唔算話好大，同日本街頭嘅小店一樣，師傅仲要係日本人，入到去好似去咗轉日本咁🇯🇵
餐紙同一般拉麵店相同，有得俾你圈唔同配料嘅份量。我比較鍾意食粗麵，因為一嚟飽肚，二嚟口感豐富啲。通常我平時去拉麵店都會揀招牌拉麵，因為一定會有返咁上下水準🤤而我揀嘅就係一虎拉麵🍜
呢碗拉麵上面有蔥同埋木耳，仲有幾塊叉燒，一隻溏心蛋。飲左第一啖湯底，就知道我會好鐘意！因為湯底夠熱，能帶起濃濃嘅豬骨味，再配埋麵條食，夠彈牙亦好有層次感👍🏼
最欣賞係隻溏心蛋，將佢鋪喺麵條上面，而唔係浸左落去，令佢仍然keep到半生熟嘅效果。蛋黃汁嘅味道好重，果然日本蛋係好食啲嘅🥚
另外仲嗌咗一碟煎餃子，即嗌即煎，上枱時餃子仲熱辣辣，擺入口幾乎辣親咁滯。餃子外皮包得好靚，肉汁無漏流出嚟，餡料夠大，整碟餃子都非常好食👍🏼食完碗拉麵仲覺得唔夠喉嘅朋友，一定要嗌碟嚟食下😍
張貼
