幸福堂 (已結業)

原本見朋友snapchat post左幸福堂嘅黑糖珍珠鮮奶，經詢問過後，得知朋友認為幸福堂嘅黑糖珍珠鮮奶比老虎X好飲，於是抱住非常大嘅期望去排隊飲佢。當日食完飯後，見飽飽地，打算同朋友一杯2份share黎飲。排隊人數唔算多，大約20人內，15分鐘到野飲已經到手。淨看外型，幸福堂係明顯細杯啲，但價錢都係$30。不過幸福堂面頭有層燒左嘅泡沫奶，頗為吸引。第一啖飲落去，除左發覺鮮奶係屬於比較滑，珍珠屬軟淋mochi外，但發覺伴隨珍珠嘅係一大團未溶嘅黑糖。嘴嚼落去沙沙聲。原以為等多陣攪拌吓佢會溶化，點知完面頭約四分一嘅滑鮮奶後，未溶化嘅黑糖極多，好甜已經係其次嘅問題，啖啖鮮奶到喉嚨都有嗰種食花生卡住係喉嚨嘅感覺，非常唔舒服，實在十分失望。