肥仔海南雞專門店 (開源道) (已結業)

中午前在觀瑭牛頭角等巴士之際見到一條在工廈內的走廊有數間小店，其中一間食海南雞飯，店舖很細，只有面向牆幾個座位，大約8個左右，雞掛在廚窗，望落個樣 ok就坐下食完至回公司，我叫左海南雞飯轉雞肶，有例湯送。海南雞飯正常size價 $40，加$5可轉雞肶，還可選擇輕量裝$30，在場見到多數女士叫輕量。我就梗係食正常size啦！雞肉很幼滑有汁，是用黃油雞，皮與肉之間成啫喱層，做得好好，雞味濃，不過黃油雞缺點是太肥。飯不是平時的油飯，而是帶有淡淡的椰香味飯，幾特別。配薑萛唔油（加分），甜豉油及雞醬，同飯分開自取，要有的都齊哂，湯是送的，清湯一碗味道ok。飯和雞份量比正常多，我都食唔哂。