日本料理とん勝 (已結業)

又係例記係呢個網搵下TST有乜好食，咁啱搵到呢間評語咁掂，本身諗住剩行尖東都行遠D去呢間試下。一睇MENU，嘩咁便既，限定豬柳定食五十蚊，其他定食/魚生飯等都係~$60-100，係咖喱唔知點解OK貴，單叫汁要五十，定價某D都覺少少怪。就一人叫兩樣野食。滑蛋豬柳丼$80：本身有豬扒揀，但係本人偏向鍾意食瘦D，不過豬味都唔錯，蛋仲好香好有蛋味，絕對正過某連鎖氹氹屋（借近音）；海鮮烏冬$80：有個茶碗蒸，薯仔沙律，個烏冬亦好爽滑，湯底清清地之餘再加胡椒，獨特得黎都幾夾味，料亦都唔少，兩舊三文魚、兩隻蝦同帶子。下次行TST必定再戰，試佢咖喱。追申：呢個網寫果個時間有D問題，因為我果次LUNCH 1430 L.O. 左。