三小漁 (已改名) 查看

行開上環就試試呢間中菜，中菜裝潢設計比其他餐廳更新穎及乾淨，環境好舒適及寧靜，而且員工好熱情有禮。🌟 黑磚豆腐 $18@1身為豆腐愛好者，見到呢款黑磚豆腐咁特別就梗係要一試！$18一件，可以按人數單件點，相當方便，又唔怕食唔曬！豆腐賣相相當不錯，而且即叫那炸，咬落口仲好熱，內裡豆腐超級嫩滑，無因為油炸而變得好乾身，而且豆味好濃郁，好食。🌟 芝香焗菠蘿大蝦球 $114呢款菜式一共3粒大蝦球，每粒蝦球旁都有一片焗菠蘿乾，配埋一齊食口感更有層次。而蝦肉本身已好新鮮彈牙，面頭仲有芝士沙律醬，食落蝦味更濃郁。🌟 啫啫羅馬生菜 $128除咗生菜🥬，亦有配埋碎肉粒，令菜式唔會太單調，食落更開胃。🌟 金菊桃膠燉手工菊花豆腐 $58為咗想睇睇呢間中菜師傅刀工如何，就試呢款甜品，點知完全無失望！師傅刀工出色，手工菊花豆腐造得好精緻，超級靚！金菊茶香清甜，配埋桃膠食，口感十足，而且十分滋潤養生。