影片
更多
2025-01-11
202 瀏覽
話說駱駝漆不嬲都係食肆集中地，見到呢間台式餐廳竟然有煲仔飯，再加上賣相吸引，就決定試吓，結果真係冇失望！😋★̆̈ 綜合臘味煲仔飯 $63 臘鴨、臘肉、臘腸、瞤腸，店家比料真係好大方，超足料！加埋甜豉油撈勻，好香口，仲有煲仔飯必備嘅飯焦，脆卜卜又香噴噴，估唔到台式餐廳都可以食到咁地道嘅煲仔飯，推介！★̆̈ 金好呷宮格餐 $88 呢個餐真係超抵食！一個主食＋四款小食，我揀咗： - 鹽酥鷄：外脆內嫩，好香口，仲可以用自己鍾意嘅調味粉，6款粉任君選擇🤤- 台灣腸：成條腸上，切成三舊，啖啖肉，真材實料- 蒜泥白肉：豬肉薄切入味，蒜泥汁香濃，唔會太膩- 甜不辣：煙韌有嚼勁，咬落滿滿台式風味- 蔥油拌麵：第一啖平平無奇，但愈食愈香，蔥味好濃，令人上癮 🥰 ★̆̈ 肉鬆雙重起司蛋餅 $42 脆皮蛋餅外層香脆，內層夠鬆軟，滿載濃郁芝士香味，仲有蔥粒，誠意十足，芝士控一定要試！★̆̈ 避風塘豆腐 $32 豆腐滑溜，外層炸得香脆，加埋避風塘嘅辣味調味，好開胃！而且晚市8:30後避風塘系列半價，性價比勁高！另外跟餐嘢飲仲有半價添 💕★̆̈ 芝士奶蓋綠茶 $15芝士奶蓋飲落去微甜，有啲似雲呢拿味，配埋清清哋嘅綠茶，飲落
★̆̈ 綜合臘味煲仔飯 $63
臘鴨、臘肉、臘腸、瞤腸，店家比料真係好大方，超足料！加埋甜豉油撈勻，好香口，仲有煲仔飯必備嘅飯焦，脆卜卜又香噴噴，估唔到台式餐廳都可以食到咁地道嘅煲仔飯，推介！
★̆̈ 金好呷宮格餐 $88
呢個餐真係超抵食！一個主食＋四款小食，我揀咗：
- 鹽酥鷄：外脆內嫩，好香口，仲可以用自己鍾意嘅調味粉，6款粉任君選擇🤤
- 台灣腸：成條腸上，切成三舊，啖啖肉，真材實料
- 蒜泥白肉：豬肉薄切入味，蒜泥汁香濃，唔會太膩
- 甜不辣：煙韌有嚼勁，咬落滿滿台式風味
- 蔥油拌麵：第一啖平平無奇，但愈食愈香，蔥味好濃，令人上癮 🥰
★̆̈ 肉鬆雙重起司蛋餅 $42
脆皮蛋餅外層香脆，內層夠鬆軟，滿載濃郁芝士香味，仲有蔥粒，誠意十足，芝士控一定要試！
★̆̈ 避風塘豆腐 $32
豆腐滑溜，外層炸得香脆，加埋避風塘嘅辣味調味，好開胃！而且晚市8:30後避風塘系列半價，性價比勁高！
另外跟餐嘢飲仲有半價添 💕
★̆̈ 芝士奶蓋綠茶 $15
芝士奶蓋飲落去微甜，有啲似雲呢拿味，配埋清清哋嘅綠茶，飲落好舒服 😌
★̆̈ 百香果紅茶$12
呢杯就相對甜啲，鐘意飲甜嘅朋友可以試試
張貼
