影片
更多
2023-04-05
193 瀏覽
先會送上餐前包, 分別係蒜蓉同洋蔥包, 外層烤得香脆, 中間包軟熟而且帶有幾香蒜/洋蔥香. 新鮮歐洲生蠔原本menu 仲有日本生蠔, 不過店員話由於日本生蠔供應唔穩定, 當日無貨. 所以選左歐洲嘅, 雖然唔算好大隻但味道都唔錯. 好易入口, 帶淡淡嘅海水味很快便轉為鮮甜, 口感柔滑.燒澳洲M6-M7 和牛肉眼燒至岩岩好嘅medium rare, 切開中間係嫩紅色口感好柔嫩帶肉汁, 而且牛肉香味都頗濃 有10oz 原來都幾大塊. 除左本身塊ribeye steak 出色, 隔離side dishes 都好有心思. Fries 係海苔味, 炸得好香脆. 佢仲配有餐廳特調嘅煙燻蕃茄醬, 個sauce 好特別, 帶好香smokey 煙燻味. 仲有香甜嘅燒菠蘿同埋其他烤過蔬菜. 辣雞肉薄餅 之前search 過cmt, 呢間係坑口好多年叫La Pizza , 聽聞佢pizza 好出名. 當然要試試, 呢度Pizza係薄批, 食落好似餅咁香脆但又唔會𠝹口. 試左最新口味嘅辣雞肉, 欣賞佢雞肉唔會鞋, 仲有邪惡嘅拉芝cheese 食落好香, 到最後由topping Jalapeno 辣椒嘅微辣收尾減
先會送上餐前包, 分別係蒜蓉同洋蔥包, 外層烤得香脆, 中間包軟熟而且帶有幾香蒜/洋蔥香.
新鮮歐洲生蠔
原本menu 仲有日本生蠔, 不過店員話由於日本生蠔供應唔穩定, 當日無貨. 所以選左歐洲嘅, 雖然唔算好大隻但味道都唔錯. 好易入口, 帶淡淡嘅海水味很快便轉為鮮甜, 口感柔滑.
燒澳洲M6-M7 和牛肉眼
燒至岩岩好嘅medium rare, 切開中間係嫩紅色口感好柔嫩帶肉汁, 而且牛肉香味都頗濃 有10oz 原來都幾大塊.
除左本身塊ribeye steak 出色, 隔離side dishes 都好有心思. Fries 係海苔味, 炸得好香脆. 佢仲配有餐廳特調嘅煙燻蕃茄醬, 個sauce 好特別, 帶好香smokey 煙燻味. 仲有香甜嘅燒菠蘿同埋其他烤過蔬菜.
辣雞肉薄餅
之前search 過cmt, 呢間係坑口好多年叫La Pizza , 聽聞佢pizza 好出名. 當然要試試, 呢度Pizza係薄批, 食落好似餅咁香脆但又唔會𠝹口. 試左最新口味嘅辣雞肉, 欣賞佢雞肉唔會鞋, 仲有邪惡嘅拉芝cheese 食落好香, 到最後由topping Jalapeno 辣椒嘅微辣收尾減低左膩度, 好食.
富士蘋果撻配夏威夷果仁雪糕
個apple tart 都唔錯, 唔會太甜而且即焗起好酥脆, 切開係有清脆咔滋咔滋聲. 可惜當日無哂 macadamia icecream😢 應該呢個先最搭.
我哋改選左嘅芝麻雪糕覺得個味道唔太夾, 而且略偏甜又帶有點冰粒唔夠幼滑扣左d 分.
環境闊落, 燈光柔和, 幾舒服. 店員亦好服務, 每次上菜會講解介紹埋. 不過當晚可能落雨, 無咩人. 希望咁高質素餐廳會多d 人認識
張貼
